ضمأ

تعرفين انك بعيني غير عن كل البنات

تعرفين انك عن الكل بعيوني سما

ياهوى بال المتيم فيك ياضبي الفلات

والله ان كبدي على الوصل لاحقها ضما

انعشي روحاً طواها الهم واضناها الشتات

واصليني والعني بليس جعله للعمى

العرب قالوا بالامثال كل شي فات مات

الا حبك فات بالخافق وبعروقي نمى

بات باحضان حبك يامنى الروح بات

واعلني باحتلالك .. له وسويلك حمى

اسكني به ياعسى اللي راح من عمري فوات

والعبي بقلباً يحبك مثل لعبك بالدُمى

عوووج المحاني

لو قلت ناسي يعلم الله كذاب .. انسى وهو عوج المحاني سكنها

يامل جرحاً كل ماقلت له طاب .. جاب الزمن ذكراه وارخى رسنها

الله يجازي من ترك قلب منصاب .. مشاعر بسم الافاعي دهنها

لاتأمن الخاين ولو تأمن الداب .. اعماله السودا بخبثه دفنها

اصله خبيث ودايم الاصل غلاب .. نفسه خبيثه تنفضح من عفنها

والغلطه اللي دونها ستر وحجاب .. لازم مع الايام يدفع ثمنها