الاثنين، 10 ديسمبر، 2012

صــــدمة ثقــه



صدمـــــة ثقـــه




النفس طابت مالها رغبه بشـي



بالذات انتي منك النفـس طابـت






يابايعه حبي ورى نشـوة الغـي



بعتي مشاعر فيك هامت وذابـت






طويت ماضي عشرتك كلها طـي



ومشاعري عن مثل شرواك تابت






كنتي على قلبي مثل شربة المـي



كنتي الوفا واصل الوفا منك نابت






لكن صدمتيني وانا مالـي ايـدي



حتى عيوني لعاصي الدمع جابت






صدمة ثقه باقي معي جرحها ني



كانت ثقه ليت الثقه فيك غابـت






انتي ولك عن لاهب القايله فـي



وانا رموشي من الغرابيل شابـت






واللي كسر قلبي وذبحني وانا حي



اني هقيت وهقوتي فيـك خابـت






الثلاثاء، 17 يناير، 2012

بــــــــروق الولـــــــــه



مرت سنة واجمل سنة بكل السنين اللي ادبرت

ترسم جمال العاطفة عبر السنين المقبله



اجمل سنة فيها مزون الوجد هلت وامطرت

ترجف بها رعود الحنين وتلمع بها بروق الوله



وكل المشاعر في سهول الود منها استبشرت

واحيت على وجه الغرام ارض الشعور الممحله



شمس السعادة والهناء في طلتك لي اشرقت

يا أحلى معنى للغرام لا والله الا أجمله



حبيبتي حبيبتي هذي السنة فيك ازهرت

شتااااان مابين السنة 00 وبين السنين الاوله



كانت ايامي مظلمة وجيتي بحياتي وانورت

وانعشتي بعروقي الحياة وصار لصداها جلجله



فيك الغلا فيك الوفاء فيك المشاعر أبحرت

حبي انا منك ابتدى انتي اخره وانتي اوله