جــــــــــود المشاعـــــــــر
المشاعر من فؤادي لو بدت لك ماتجود
ابي قلب(ن)فوق قلبي يحتوي طاغي هواك
ابي كلمه في صداها تنتشر بين الوجود
مانطقها اي عاشق لو هوى مثلك ملاك
لا بغيت اوصف شعوري يعتري حرفي جحود
يكتسح كل المشاعر والاحاسيس ارتباك
ويرتجف قلب(ن)يحبك لو تظاهر بالصمود
ويكتفي بتعبير صمته وصادق احساسه معاك
ايه احبك ايه احبك والمحبه فيك زود
آآآآه ياروعة وصالك لانتشلني من جفاك
ايه احبك ايه احبك وان كسى ليلي برود
تحتويني في حنانك تحتويني في دفاك
والله يكفيني وجودك في حياتي يالعنود
دورة الشريان حبك ونبضة الخافق غلاك
من بساتين المحبه اقطف لقلبك ورود
طلعها بذرة وفاي وتاجها صادق وفاك
لحظه ... باقي كلمه وحده اسمعيها يالعنود
والله اني ياحياتي بكل مافيني فداااااااااااااك
