الاثنين، 10 ديسمبر، 2012

صــــدمة ثقــه



صدمـــــة ثقـــه




النفس طابت مالها رغبه بشـي



بالذات انتي منك النفـس طابـت






يابايعه حبي ورى نشـوة الغـي



بعتي مشاعر فيك هامت وذابـت






طويت ماضي عشرتك كلها طـي



ومشاعري عن مثل شرواك تابت






كنتي على قلبي مثل شربة المـي



كنتي الوفا واصل الوفا منك نابت






لكن صدمتيني وانا مالـي ايـدي



حتى عيوني لعاصي الدمع جابت






صدمة ثقه باقي معي جرحها ني



كانت ثقه ليت الثقه فيك غابـت






انتي ولك عن لاهب القايله فـي



وانا رموشي من الغرابيل شابـت






واللي كسر قلبي وذبحني وانا حي



اني هقيت وهقوتي فيـك خابـت