الاثنين، 25 فبراير، 2013

جــــــــواد الصـــــــــــد




الله اكبر ياحبيباً شح في وصله علي 
                     امتطى صهوة جواد الصد واعلنها جفا

مادرى اني بعده الوجد يصلاني صلي 
                    مادرى ان الشوق فضاح يبحث ماخفا

مادرى لقلباً متيم فيه ومن غيره خلي  
                     مادرى انه بكل شريان ينبض له وفا

مادرى اني اعاني المر وان همي جلي 
                     مادرى ان وصله لي الحلم وان قربه دفا

مادرى اني لالمحته قلت ياريحة هلي 
                     مادرى اني افز من نومي اذا طيفه لفا

مادرى ان النار تغلي في فؤادي غلي 
                     مادرى انه لو رجع قلت لاحزاني كفا

وادري انك مالياً يدك من حبي ملي 
                    وانا جرحي منك ينزف كل أهاته افاااا

هناك 3 تعليقات:

غير معرف يقول...

مادرى اني بعده الوجد يصلاني صلي
مادرى ان الشوق فضاح يبحث ماخفا

مادرى لقلباً متيم فيه ومن غيره خلي
مادرى انه بكل شريان ينبض له وفا

صح لساااااااانك بصراحه قصيده ابداااااع
صورت لنا فيها ارق واعذب مشاعر الشوق والحنين
اشتقنا لابداعاتك وذوقك الرفيع
تحيااااااتي.....

غير معرف يقول...

وين ابداعاتك رفيييييع

رفيع الذوووق يقول...

ياليت اعرف مين انت ترى مايبان عندي اللي يرد او يرسل تعليق اذا مو كاتب نكه او معرفه ..

لي الشرف باطرائك فديتك ..