السبت، 9 أكتوبر 2010

الدانه والميزان



( الــــــدانـه والميـــــزان )


أنا مليت من جلسه بوسط البيت يا نزال

أحس اني بلاهب نار إذا اني بين جدرانه




وبصدري تسطلي ضيقه تغني الدان والموال

أيلا منه عزف حزني يميل القلب بلحـانه




وهموماً ساكنه فيني هنيك ياخلي البال

تأ لفلي رواية حب ضحية عشق عنوانه




أنا ماجيتك اشكيلك من هم الدين ونقص المال

ولا كرامتي داسه قطاع الدرب وعوانه




بلاي اللي ايلامني فقدته جاني الولوال

أحس اني جبال طويق أنا احملها بفقدانه




ويلامن زارني طيفه أحس أن السعد بي مال

عن همومي يبعدني لدنيا الحب وأزمانه




وعيوني من الفرح ترسل دموعاً كنها الشلال

تقول اهلاً هلا باللي عهود الحب ماخانه




حنان بعينه اليسرى وباليمنى الموت والسلال

أبي اوصف يصعب التوصيف حبيبي كنه الدانه




ولو توضع هي بكفه ونا اللي اختار يا نزال

وبنات الكون في كفه حبيبي مال ميزانه

هناك تعليقان (2):

strawberry يقول...

يسلموووو رفيع
صح لسانك

قصيده رائعه

تقبل ودي واحترامي

دقأإتو.. يقول...

الله مآاعذب تلك القصيده رغم احرفهآ الحزينه
ولكن لا تختفي رووعتهآ واتقآإنك في رسمهآ

فَ صح لسآإنك
وبكل تكيد انتظر جديدك القآإدم