زلــــــزلــــة الكيـــــــــــــان
يحاول همي القاسي ينزل راسي المرفوع
لاشاف الفرحه بعيوني سرد لي سيرة اوجاعي
دعى جرحاً تناسيته على صدر الالم مطبوع
وشق الصدر سكينه يلبي دعوة الداعي
وفجر طاري السيره من الاشجان كم ينبوع
وزلزل حزني الجامح كياناً حيل ملتاعي
وثارت كل آلامي وجت كل المأسي طوع
يوزعها على ايامي ويكيل المد والصاعي
ابي ارتاح ياهمي وباخذ حقي المشروع
تموت بخانةالهامش وانااسرج للهوى شراعي
ابي اتجاهلك يالقاسي وانور في حياتي شموع
انا حالف لغير الله مايلمس راسي القاعي
انا همي ولو يكبر طويته وصار تحت الكوع
يمين الله ماخلي الهم يجور ويلوي ذراعي
هناك 3 تعليقات:
مرحبا رفيع مبروك المدونه
صح لسانك بصراحة من اروع القصائد اللي قرأتها
قويه بمعنى الكلمة وخاصة البيت اللي عجبني
انا همي لو يكبر طويته وصار تحت الكوع
يمين الله مااخلي الهم يجور ويلوي ذراعي
اسجل اعجابي الشديد بجمال عباراتك وبقلمك الشامخ
دمت ودام ابداعك
اختك وهايب
الف مبرروك المدونه
صح لسااانك رفيع كلماات تلالامس احساااس كل من قرءها
تترجم الاحساااس ببلووره لايرقى فيها سواك
مبدع بقلمك وطرررحك يالغلا
دام ابدااعك لنا
وتقبل تحياتي
ورده شقاا
لفن روااده وانت احد روواد الفن
جميل مانسجته اقلامك من عباارات ترق له المشاعر
وتهتف بها القلووب
لاحرمك الباري من موهبتك
إرسال تعليق